bloggsvæði Bóa

Ford Explorer Limited.

Sun, 06 May 2012 19:56:52 GMT

þessi bíll er aalveg einstaklega vel búinn og sannkallaður gadget car

þarna nýkominn gegnum skoðun 2013

dekk og felgur samt klárlega of lítil, enda bíllinn með brettakanta sem passa við 31"

dekk.

þarna kominn á 15" felgur og 31" dekk sem gera mikið fyrir lúkkið.

bíllinn er með allmiklum búnaði, til dæmis;

rafdrifin sæti með minni
rafdrifnar rúður,speglar

gler sóllúga, tvívirk rafdrifin

samlæsing sem opnuð er með númerakóða utan á hurð

sjálfvirk miðstöð,

aksturstölva sem fylgist með vél, olíu,hita og mælir eyðslu

leðursæti, aftursæti hægt að halla bakinu og breyta stillingum

Ipod tengi afturí með stillimöguleikum

6 diska CD magasín í hólfi milli framsæta

úti/ inni hitamælir og kompás

cruse control,

sjálfvirk læsing á öllum hurðum þegar ekið er af stað

afturhleri tvískiptur, efri partur opnanlegur sér

og eitthvað meira sem ég man ekki

Lada Sport úr sveitinni í borg óttans..

Tue, 14 Feb 2012 12:29:37 GMT

Loksins kom að því að ferð fannst fyrir bílinn úr Mývatnssveitinni til Reykjavíkur, og það var stór trailer sem flutti hann suður, bílstjórinn góður vinur minn.

Bíllinn var settur niður á ártúnshöfðanum og því stutt að fara í vinnuna með hann til að hefja störf.. ekki svo margt sem þarf að gera en jú fara vel yfir allt til að hann komist gegnum skoðun.

fyrst þarf þó að panta númeraplöturnar, það tekur nokkra daga að fá þær . Eins og menn muna hefur Ladan ekki verið á götunni síðan árið 2000, sem eru að vera 11 ár síðan !

þá sögu má sjá á síðunni nokkuð neðar.

myndir á leiðinni.. af bæjarferðinni og svo meira

.................... jæja, var að sækja bílinn :

og hér kominn heim á plan, og stóri Ford glottir..

-------------------------------------

uppdate:

til að fá skráningu þurfti að borga nýskráningu og skoðunargjald

og fara með bílinn í skoðun og prufa hvort hann kæmist þar í gegn.

og þá var allt tilbúið að fara í skoðunarferð..

og skömmu síðar kominn á númer með fulla skoðun, alger snilld !

Ferð númer 78 í Blóðbankann !

Fri, 27 Jan 2012 01:03:52 GMT

Það er nú orðið allnokkuð síðan maður byrjaði að gefa blóð og líklegast er fyrsta ferðin

farin á Iðnskólaárunum 1981-1982.

Svo kom langt hlé þar til 1988 að regla komst á þetta og upp úr 1991 var ég beðin

að koma í Sérsveitina... nokkur hópur manna sem búið var að smala saman

eftir að Blóðbankinn hafði skoðað heilsufar, líkamlegt ástand og almennan hressleika

manna og fundið þá einstaklinga sem höfðu eftirfarandi:

a möguleika á því að gefa blóð reglulega

b gott líkamlegt atgerfi, og góða heilsufarssögu

c góðar æðar, sem gátu gefið blóð í langan tíma

d fjölda af blóðflögum í hverjum millilítra ( ppm)

Þar sem ég gat talist verðugur í þennan úrvalshóp byrjaði ég að gefa blóðflögur

sem teknar voru gegnum sérstaka vél sem dældi úr manni blóðið, skilvinda sem

aðskildi flögurnar frá blóðvökvanum og dældi svo blóðvökva og saltlausn inn

aftur... Þessi vél var semsagt þannig útbúin að stinga varð nál í báða handleggi,

og vélin tók úr manni gegnum aðra slönguna og svo inn aftur gegnum hina.

Því þurfti að binda báðar hendur við stólarmana því þetta ferli tók 85 mínútur

og ef manni klæjaði í nefið gat manni orðið það á að ætla að færa hönd upp að nefinu

en þá getur nálin stungist út í gegnum æðavegginn og allt búið með blóðtöku þann daginn. Og settið í vélina kostar 30 þúsund svo það má ekki gerast.

Ég þurfti því að biðja hjúkkurnar að klóra mér í nefinu ef þannig bar við...

En nokkru síðar kom ný blóðflöguvél og hún gat sogað úr manni og sent til

baka gegnum sömu slönguna, svo það var engin smá bylting, að hafa aðra

höndina lausa.

Þessi vél var í sérherbergi og það var sjónvarp og afruglari og nokkrar videóspólur

Það var því með trega sem þær hjúkkurnar á "almenna" ganginum kvöddu okkur

strákana sem fórum í sérherbergið... ein konan sagði, já þeir allra bestu eru teknir

af okkur í þetta nýja dæmi þarna og fá voða mikla athygli...

Árin liðu og skiptin urðu fleiri og fleiri, þar til kom babb í bátinn... ein sýnatakan

sagði að um hugsanlegt smit af lifrarbólgu væri í sýni úr mér... eftir endurteknar

prófanir kom í ljós að þetta var vitleysa, eitthvað hafði bilað í sýnatökunni, EN

reglurnar voru skýrar, út með manninn, ekki hægt að taka þá áhættu að sýkt blóð

væri notað.

Þar með var mér tilkynnt að mín væri ekki lengur þörf, því miður..

En yfirhjúkkan var ekki sátt og barðist fyrir lífi mínu sem blóðgjafi og fékk loks

2 árum síðar það í gegn að tekin yrðu sýni á ný.

Og 2003 kom grænt ljós frá alþjóða blóðbankaeftirlitinu og með fylgdi að

þetta væri eitt af afar fáu tilfellum að blóðgjafi væri tekinn inn aftur eftir svona

lagað, en vélin var dæmd ólögleg, biluð, svo ég fékk sjensinn aftur,

Síðan þá hef ég gefið blóð í vélinni án vandræða og fengið afar góð viðbrögð.

Þessum blóðflögum er blandað saman við einhverja aðra vökva, svo samanlagt

magn eftir blóðgjöfina sem er um 250 ml verða um einn lítri af vökva, sem dugir

í tvær gjafir. Og þá er spurningin, hvert fer þatta blóð??

Jú mestmegnis til krabbameinssjúklinga, þegar sjúklingar hafa gengið gegnum

lyfja og geisla meðferðir er ónæmiskerfið komið í núll og þá kemur þessi

innspýting til góða fyrir sjúklinginn, sem öðlast á 2 tímum fullt þrek og ónæmi

fyrir öllu daglegu, sem annars gæti orðið banamein, ef ekkert ónæmiskerfi

er tiltækt. Þessi blóðgjöf er því sannarlega lífgjöf.

Á 6 vikna fresti fer ég því í bankan og legg inn mitt framlag til að hjálpa

einhverjum sem berst við þennan vágest sem krabbameinið er.

Eitt skiptið hafði sjúklingur einn afar sérstaka vefjaflokkun og aðeins 2 blóðgjafar

pössuðu við hans ( reyndar hennar) blóðflokk. Ég var annar af þeim tveim

blóðgjöfum sem hún gat þegið blóðflögur frá. Ég hætti því að gefa reglulega, en

var þess í stað kallaður inn eftir þörfum þess sjúklings.

Eitt skiptið var ég staddur á Akranesi í fótboltaferð með strákunum og konunni

þegar hringt var og ég beðinn að koma í bæinn sem fyrst. Ég tók því leigubíl

sem kostaði rúmar tíu þúsund og á sunnudegi labbaði ég inn í blóðbankann þar sem

4 starfsmenn biðu með vélina tilbúna, ég smellti mér í settið og 75 mínútum seinna

var gjöfin tilbúin og sendill beið eftir þessu og fór beint með pokann niður á

landsspítala, þar sem sjúklingurin " minn" beið.

Svona gekk þetta nokkra mánuði og svo fékk ég símtal frá Blóðbankanum og

mér var sagt að nú væri sjúklingirinn útskrifaður af spítalanum albata af

krabbameininu !

Er einhver leið að lýsa þeirri tilfinningu að hafa hugsanlega bjargað mannslífi,

að einhver manneskja eigi lífgjöf sinni að þakka einhverjum óþekktum manni

útí bæ, sem gengur til vinnu sinnar eins og aðrir.

Held að það sé drifkrafturinn að maður skuli láta sig hafa það að liggja með

risastóra nál í handleggnum í 75 til 90 mínútur á 6 vikna fresti.

En hvað getur maður annað gert til að hjálpa náunganum , jú maður getur ýtt

bílnum hans úr snjóskafli, boðið góðan dag og verið hjálplegur á hvern þann

hátt sem hægt er, og þetta er leið sem ég fann til að gera gagn í þjóðfélaginu.

Nokkuð sem ég er afar stoltur af.

aðalatriin eru þarna... sjónvarpsfjarstýring, djús og skírteinið

Nálin komin á sinn stað og þá er að pumpa bloðinu út

vélin, skilvindan er afar dýrt tæki, mikið af slöngum og dóti

Það eru til tvö sett, hægt að dæla úr tveim í einu, er þó sjaldan gert.

þarna hanga pokar með blóðvökvanum mínum, blóðflögunum( gulleitur vökvi)
og svo saltvatnsupplausn og eitthvað annað..

á meðan horfi ég á sjónvarpið

góð tilraun að taka sjálfsmynd..

ekki mikið skárri mynd, en síminn er nú ekki með góða myndavél..

og 80 mínútum síðar er þessi gulleiti vökvi þarna í efri pokanum tilbúinn.

blóðgjöf er lífgjöf.

Fann þennan !

Wed, 11 Jan 2012 23:20:54 GMT

Alltaf gaman að finna góða bíla, en þessi var á Akureyri, hafði staðið í hartnær

3 ár, og einungis vegna þess að lykillinn týndist...

Þá er ráð að taka læsinguna úr hurðinni, láta smíða eftir henni lykil og

þá var hægt að prófa.

þetta er Peugeot 306 árgerð 1993, ekinn 173 þús km

það magnaða er að þessi bíll er með 18oo cc vél, sem er ansi stór vél

í ekki stærri bíl. Þetta er einhver spes útgáfa..

Þarna hefur hann staðið, loftið farið úr dekkjunum, rafgeymirinn ónýtur

og vatn komið inná gólf farþegamegin.

En viti menn, nýr rafgeymir settur í og startað... og bling !! í gang fór

bíllinn, magnað!

Bíllinn er hins vegar á Akureyri, en þaðan verður að finna ferð að koma

honum í bæinn, rvk, einhvern veginn.

Og nú í vetur, var komið að því að hann fengi far suður.

Það þurfti reyndar að grafa hann upp úr sæmilegasta skafli..

.. og sama aftur, beint í gang, þarna í skaflinum !

En er þá ekki brotið framljósið eftir snjómoksturinn... ansans

svo var bílnum ekið að stað þar sem vöruflutningabíll gat skellt honum inn í kassann

með lyftara.. og loks komst hann suður á mölina í janúra.

Þessi bíll kom nýr á bæ við Dalvík og var í eigu konu allan þennan tíma þar til fyrir örfáum árum að dóttur dóttirin fékk hann.

Bíllinn hefur að sögn aldrei komið suður til Reykjavíkur og aldrei lent í salti

enda er hann með öllu óryðgaður.

Og loks komst bíllinn suður til Reykjavíkur með flutningabíl og fór beint

inní bílskúr til að þrífa og þurrka teppin.

og þarna voru nýju númerin komin, þau þurfti að panta upp á nýtt

því búið var að henda gömlu plötunum.

kominn út og þá var farið upp í vinnu og byrjað að snyrta til svona eitt og annað.

þarna eru komnir hjólkoppar, það var nú ágætis byrjun

eftir er að laga bremsudælu aftan og finna framljósið sem brotnaði.

þá er bíllinn tilbúinn í skoðun !

já gleymdi einu, bílstjórastið var afgalega ónýtt... og þurfti

nauðsynlega að finna lausn á því.

svo ég keypti annað sæti komplett úr 98 módel Pusjó, sem

passaði alveg í festingarnar, en áklæðið var ekki eins,

en mikið var gott að sitja í því...

------------------------------

og þá var að fara með bílinn í skoðun og fá betri miða en þennan 2007

sem settar voru á plöturnar...

sko, kominn með 13 skoðun kallinn.

Leguskipti í Econoline

Thu, 14 Jul 2011 08:51:51 GMT

.............. Vélin í þessum bíl var síðast tekin í gegn árið 1991, fyrir tuttugu árum síaðn og því var kominn tími á að skoða legurnar í vélinni. Það eru fyrst að nefna höfuðlegur, sem halda utan um sveifarásinn, þá koma stangarlegur, sem halda utanum stimpilstangirnar, fleiri legur eru jú líka þarna, t.d stimpilboltalegur)stimpilbolti) sem slitnar líka og þá fer vélin að banka. Ef hinar legurnar eru slitnar þá fellur smurþrýstingur, akkúrat það sem sást á mælinum, því var ráð að skoða þetta.

bíllinn kominn inn, búið að leggja á skurðarborðið undir honum og allt tilbúið

gott að hafa sterkt ljós við svo vandasama vinnu, og hreinlæti er mikilvægt, það
má ekki vera ryk og óhreinindi þegar sett er saman

BTW fékk fulla skoðun í morgun, vegna þess að bíllinn er skráður fornbíll fær
hann skoðun til tveggja ára í senn = æði

jæj, sést þá þarna olíupannan, hún þarf undan, en fyrst tappaði ég olíunni
af vélinni..

þarna liggur oíupannan,laus

og kjallari vélarinnar blasir við, og allt gumsið þarna inni. Við sjáum neðst síu, það er stúturinn á olíudælunni,

         Nýu legurnar bíða

        þetta eru slitlegur úr hvítmálmi, afar dýrt efni.

og gömlu legurnar farnar að detta undan eftir því sem verkinu miðar.

þetta eru 16 legur, tvær í hverja stimpilstöng, átta stimplar..

   þarna sjáum við upp undir stimpilhausinn

tímagírinn, eða bara tímakeðjan, sem snýr efri partinum, heddinu og hreifir þá ventlana

notaði tækifærið að taka mynd af loftpúðunum

og þetta er vatnstankurinn, ferskvatnstankur, sérsmíðaður þarna undir

eftir að hafa lokað vélinni þurfi að setja nýja síu og nýja olíu, vegna þess hve
þröngt er að ventlalokinu þar sem olían fer á vélina nota ég hugvitsamlega
smíðaða rennu til að renna olíunni inná vélina.

þá má fara að starta vélinni, best að taka kveikjuna úr sambandi,háspennuþráðinn
til að starta vélinni svo hún nái upp smurþrýstingi á legurnar án þess að fara í gang.
Það getur verið varasamt að henda vélinni í gang strax, með nýjum legurm án þess
að þær fái tækifæri á að smyrja sig upp.

búið að setja í gang, eftir liggur skurðarborðið..., með allnokkrum "blóðblettum"
sem flestir voru þó í hárinu á mér eftir að liggja undir vélinni opinni..

vélin er látin ganga hægt fyrst um sinn, það heyrist strax munur á vélarhljóðinu
og smurþrýstingur betri, en það er veriðað sérpanta höfuðlegurnar og þær fara svo í
bílinn í vetur í rólegheitunum

þá er allt að vera tilbúið í ferðalagið.

Bílaflotinn:

Tue, 05 Jul 2011 23:37:30 GMT

Var að spekúlera með hvernig staðan væri hjá mér í núinu og

þá er að byrja að telja upp.... Hmmmm

2. BMW 318 16oo E-36 árg 1992 5 gíra

3. Peugeot 306 xr 1993, UL -289

6. Renault Laguna 2.o 1996

7. Lincoln Continental 1991 3.8oo 4 dyra sjálfskiptur

8. Chrysler saratoga 1991 3.ooo 4 dyra sjálfskiptur ( ekki á númerum)

9. Ford Econoline 350 1979 5.7oo sjálfskiptur ( húsbíll)

10. International Scout 8oo 1967 4 gíra ( ekki á númerum)

11. Lada Sport 1987 15oo 5 gíra ( ekki á númerum)
12. Renault Megane 1997-varahlutabíll

13. Nissan micra 13oo -1994
14.
15. Renault Clio 1999- NJ-691

16.

svo aukadótið:

Honda BigFour fjórhjól 1987

Honda 350 fjórhjól 1987

Massey Ferguson dráttarvél 1961

Pioneer vatnabátur + Mercury utanborðsmótor

....Og annar nýr !!! Krúser

Mon, 02 May 2011 22:59:13 GMT

.......... Lincoln Continental Executive Series er um margt frumlegur og frábær bíll.

Mælaborðið er digital, allt stafrænt og hægt með einum takka að skipta milli þess að

hafa amerískt, með Farenheit, gallon og mílumæli, en svo hægt að smella yfir í

kílómetra, lítra og Celsíus. Magnað..

Miðstöðin er fully automatic, stillt á hita og sve bara heldur hann réttu hitastigi.

Loftpúðafjöðrun, loftdæla sér um að halda fjöðrunarkerfinu í réttri hæð óháð því

hve margir eru í bílnum.

Sætin eru rafdrifin, rúður og speglar auðvitað, minni fyri 3 stillingar.

vélin er V-6 3.8 lítra með beinni innspýtingu.

sjálfskiptur, Cruse Control, leðursæti ,

EDIT: og hér er hann kominn á númerin, og orðinn keyrsluhæfur.

þarf samt að laga púst og handbremsuna.

blátt leður... og allt blátt barasta !

----------------------------------------------

nýjar myndir og tilbúinn í skoðun;

Lada Sport !!! aka Lada Niva aka Lada 2121

Mon, 25 Apr 2011 20:48:29 GMT

Vííí ég var bara alveg að eignast þennan bíl, og þótt hann sé búinn að vera á beit

úti á túni nokkurn tíma, er hann ótrúlega heill og lítið ryðgaður.

og skartar þessari vígalegu grjótgrind

dekkin eru alveg farin... lekið úr þeim og líklega alveg ónýt

það er dráttarkúla og allt

sheepskin á sætum, þetta er grand lux útgáfan...

mótorhúsið, mýsnar höfðu næstum klárað kertaþræðina.. þeir voru nagaðir

alveg inn að vírnum innst.

hann fékk fulla skoðun 1999

öll verkfæri orginal fylgja, verkfærataskan klár

dásamlegt

----------------------------------------------

EDIT :

15.júní 2011.

fór í dag og kíkti á Löduna mína, öll dekkin eru ónýt, búin að vera loftlaus of lengi.

já þessi verða ekki notuð meira..

nýr rafgeymir kominn í og spennandi að fara að prófa...

... en ekkert gerðist, vélin startaði þó mjög flott, en kveikti ekki einu sinni.

ástæðan kom fljótlega í ljós, háspennukeflið var dautt, það hefur líklegast verið ástæðan fyrir að bílnum var lagt á sínum tíma, þá var talið að einhver rafm. bilun væri í gangi.

Þar að auki voru mýsnar búnar að naga háspennuþráðinn og ekkert samband þar heldur.

kúplingin virkaði ekki, og ástæðan , dælan föst. ég tók höfuðdæluna úr, það var létt verk og mun lagfæra hana og setja í við næsta tækifæri.

undirvagninn er svo stráheill að undrun nemur, það er hvergi alvarlegt ryð og allt virðist vera óslitið, það er alveg magnað.

.. það er eins og bíllinn hafi verið ryðvarinn í gærkveldi..

ástandið er því svona:

skipta þarf um háspennukefli, kertaþræði og háspennuþráð

skipta um öll fjögur dekkin, tvo eru til, sem fylgdu með, vantar tvö.

setja kúplingsdæluna aftur í, eftir að hún hefur verið lagfærð.

þá er alveg sjens að bíllinn detti í gang og hægt sé að keyra hann. sjáum til.
meira í júlí, næst þegar ég fer norður..

EDIT #3:

Í næstu ferð norður kom ég með með mér 4 dekk á felgum sem ég hafði keypt.
einnig kertaþræði og ýmislegt smálegt. Júlli minn kom frá Dalvík saman fórum við frá
Akureyri vel búnir verkfærum og dóti, nú skyldi það takast að koma LödSport í gang.

Er ekki að orðlengja það að við skiptum um öll dekkin, settum bensín á tankinn og settum allt í kveikjukerfið nýtt. Svo var startað og eftir smástund sást að bensínslangan var fúin og lak, skipt um hana og þá fór bíllinn í gang, fyrst var hann erfiður að haldast í gangi en eftir nokkurn tíma kom þetta allt. Vélin gekk alveg eins og nýsmurð, engin reykur eða aukahljóð, það er

alveg hreint ótrúlegt. Eftir að neðri kúplingsdælan hafði verið losuð og liðkuð var svo sett í

bakkgír og af stað fór Ladan, í fyrsta skipti síðan árið 2000, semsagt 11 ár og bíllinn

gekk !!

Við keyrðum hann nonstop alla leið í Mývatnssveitina, 40 kílómetra leið.
vélin hitanaði eðlilega, miðstöðin sjóðheit, allt virkaði !

eftir þetta afrek var kominn tími á einn kaldan...

og gott faðmlag drepur engan.

og þarna standa þeir félagarnir nú saman og hafa vonandi félagsskap af hvor öðrum..
annar frá US and A og hinn frá USSR , hinum megin á jörðinni næstum..

Mývatn í apríl

Thu, 21 Apr 2011 23:40:50 GMT

vorið er ekki aaaalveg komið enn... en vorverkin bíða. Í Mývatnssveitinni er alltaf eitthvað að gera..

bremsuborðarnir brotnuðu í fyrra líttá og ég hafði látið rafsjóða þá saman og sett nýja bremsuborða, þarna liggja þeir í grasinu alveg tilbúnir að vinna sitt verk..

búinn að fíra dekkinu af og bremsuskálin skal af næst

júbb, allt tilbúið að setja saman

sko, bremsuborðarnir komnir í, allt að verða klárt...

og svo að stilla víra og bremsubarkana, mikið verður gott að hafa aftur bremsur á blessuðu hjólinu...

og klárt og kvitt, Börkur júníor bíður spenntur eftir test drive...

Ford Econoline E-350, V-8 351w

Sat, 21 Aug 2010 13:15:38 GMT

Edit #2 :

gluggatjöldin að komast á sinn stað, hún Eyja mín valdi sko þetta flotta mynstur maður !

þetta er hurðin

séð utan frá

annar afturglugginn

skoðunaratriðin eru að komast í lag, það sem búið er að gera er:

laga pústið

laga handbremsuna

taka bremsurör úr og er að láta smíða nýtt, þetta er bara einn meter aftan á hásingunni :)

--------------------------------------------------------------------------------------------

Bjarki á rúntinum niðri í bæ...

Edit: Loksins kom færsla...

Eftir að hafa geymt bílinn í vetur var kominn tími og áhugi að gera eitthvað af viti. Ég tók númerin af og lagði inn plöturnar, það er engin nauðsyn að hafa hann á númerum yfir veturinn, því þetta er sko sumarbíll og hana nú!

Það sem á eftir að gera er;

fyrir skoðun; laga púst, stilla handbremsu, skipta um bremsurör á hásingunni aftan.
Í dag lagaði ég loks pústið, tók kútinn undan og setti borða yfir rifuna á honum, kúturinn er fínn annars, svo ég kaupi einhvern tíma áfram með hann.
Þvínæst stillti ég handbremsuna svo hún rígheldur þessu 2.5 tonna flikki.

byrjaði svo að rífa "eldhúsinnréttinguna" úr því ég þarf að koma ísskápnum fyrir í hólfinu undir vaskinum, en til þess þarf að breikka hann, sem er vel gerlegt,því nóg er plássið þeim megin því betur.

Svo reif ég frambrettið af, nýja brettið hefur nú beðið sprautað og fínt inni í bíl í 4 mánuði eða meira..

.það var mjög gaman, enda með glænýjan slípirokk sem bókstaflega rann í gegnum brettið eins og hnífur í heitt smjörlíki..

svona leit þetta út í byrjun..

--þarna er brettið orðið ansi lélegt..

og þarna alveg farið af.

og þarna er nýja brettið, sprautað af mér og svaka fínt.

þessi hliðarhurð er alveg snilld, báðar litlu hurðirnar hafa verið gerðar að einni stórri, sem er miklu betra.

sóllúgan hafði verið kíttuð lokuð, en ég opnaði hana snarlega og hún lekur bara ekkert ennþá.

hérna sést loftpúðafjöðrunin vel, þetta eru eins konar stuðningspúðar, og duga vel til að mýkja bílinn þegar maður tekur stökkin á honum... nei ætli það..

þarna er loftlúgan að aftan.

meira á leiðinni, myndir næst af hvernig gengur

---------------------------------------------------------------

Þessi all vígalegi ferðabíll kom í mínar hendur á dögunum og spennandi verkefni framundan. Þetta er fullbreyttur bíll að innan, með sætum,borði,Webasto bensínmiðstöð, vatnstanki,vask og eldavél, 2 sóllúgum og eitthvað meira. hann er með U-bekk aftast og svo fylgdi með 2ja sæta bekkur sem kemur aftan við framsætin Hann er skráður fyrir 7 farþega
Bíllinn er Ford Econoline 350 sem þýðir að bíllinn hefur mikla burðargetu, enda var hann upphaflega sendibíll.
Í húddinu er 351W V-8 bensínvél, sjálfskiptur.
hann er á 36 tommu dekkjum, felgurnar 16.5".
hann er með loftpúðafjöðrun aftan og framan aukalega ofan á fjöðrunum.
hann er með diskalæsingu orginal í afturdrifi
hann er með 18.000 punda, 5.4ra tonna spil að framan

Nokkuð þarf samt að laga, þarf að klára að setja sveifaráslegur í vélina og svo er pústið
ónýtt frá miðju og afturúr, það er 2 1/2" svert.
einnig þarf að laga ryðskemmdir hér og þar í boddýi.

Hann er árgerð 1979 , (skráður nýr á götuna 1981 samt..)sem þýðir að hann er fornbíll, sem þýðir að engin bifreiðagjöld þarf að greiða af honum og tryggingar eru lágar, enda svona bíll ekki notaður dags daglega... 2.5 tonn og stór bensínvél... held ekki !

lagt af stað á laugardagsmorgni til Hveragerðis að sækja bílinn, Kiddi mágur og góðvinur bauð fram aðstoð sína og þennan vígalega Econoline með 8 cyl díselvél sem togar eins og heilt skip..

komnir til Hveragerðis og aðstæður skoðaðar, ég hafði þarna borgað bílinn en ekki enn svo mikið sem sest inn í hann eða skoðað hann neitt að ráði..

fyrsta verk var að skríða undir og skrúfa drifskaftið undan, til að hjólin snúi ekki sjálfskiptingunni, en það skemmir hana, ef bíllinn er ekki gangfær, eins og í þessu tilviki.

spottinn á milli og Kiddi býr sig undir að halda af stað upp helisheiðina með þenna 25oo kílóa félaga sinn í eftirdragi.

komnir af stað, fyrstu metrana

ahh, slitnaði þá ekki spottinn, hann var frekar fúinn og þurfti að keyra varlega
í bæinn.

á góðri siglingu fyrir ofan Sandskeið, á tvöfalda kaflanum. búið að splæsa annan
spotta til að lengja í og fá meiri fjöðrun á spottann.

og þarna bara komnir í bæinn, vorum ekki einu sinni klukkutíma í ferðinni.

þá er bara hægt að fara að gera klárt að lagfæra vélina, og koma honum í gang,
sem er forsenda þess að hægt sé að vinna í honum, maður ýtir þessu flikki
ekki svo auðveldlega út og inn í hús...

meiri myndir síðar, þegar eitthvað er að frétta..
---------------------------------------------------------------------------
update #1 :

Þarna er vélin komin saman, bíllinn orðinn gangfær og kominn á númer, G-10810.

þá er tími kominn að kíkja inn í vagninn,

   það er soðinn dúkur í gólfinu, svo hægt að skola bílinn út án vandræða..
bekkurinn þarna aftan við framsætin er laus, fylgdi með, spurning hvort maður noti hann.

   séð afturí, hefðbundinn U- bekkur og borð og smá innrétting með gashellum og vaski,

hann er bólstraður í hólf og gólf, og þótt langt sé síðan það verk var unnið er innréttingin ótrúlega heil og fín.

                          " eldhúsið "

Webasto hitari með hitastilli og alles tryggir góðan jafnan hita á næturnar.

þarna er blásturinn inn í vagninn frá hitaranum. fjær sjást hátalararnir.

snúnings stólar, kapteins stólar.. skiptistöngin uppúr gólfinu er fyrir fjórhjóladrif
og lágadrif, hún er frekar kjánaleg þarna á miðju gólfinu, en ástæðan er sú að Ford framleiðir ekki fjórhjóladrifsbíla, þeim er hins vegar ekið nýjum inn í breytingarverksmiðjur sem setja framhásingu, millikassa og það sem þarf til að gera bílinn fjórhjóladrifinn. Það er því engin stöng þarna á nýjum bílum, bara breyttum.
og staðsetningin helgast bara af því að þarna beint undir er gírkassinn.

           stýrimanns svæðið.

             hér situr sérlegur aðstoðarmaður

komnir út aftur, sést skemmdin á frambrettinu og svo þetta svakalega spil þarna,
það er með allra stærstu spilum sem sett eru á bíla og sem dæmi eru afar sterk og
vönduð spil um 9000 pund, eða 3 tonn sem er gott, en þetta er staggering 16000 pund !! eða heil 5.4 tonn !. það er því auðvelt að festa spilvírinn upp í sterkan loftbita og láta svo spilið draga bílinn á loft og upp í rjáfur, hann er bara 2500 kg en spilið ræður við 5400 kg eins og áður sagði.
Ef maður festir bílinn illilega og bindur í fastan stein og byrjar að toga .þá getur bara tvennt gerst, steinninn kemur að bílnum eða bíllinn dregst að steininum, og krafturinn myndi auðveldlega slíta boddýið frá og skilja eftir hásingar og dekk ef þau væru á kafi í sanbleytu eða einhverju, þetta er nú nokkuð sem hughreystir mann í útilegum.. not ??

dekkin eru allgóð ennþá, þau eru 36" og felgurnar 16.5". og 12.5" á breidd.
-----------------------------------------------------------------------

edit: smáskreppur upp á Úlfarsfell.

Fuglasafn Sigurgeirs

Sun, 13 Jun 2010 23:23:43 GMT

Skólafélagi minn í barnaskóla, og jafnaldri, Sigurgeir Stefánsson lést fyrir hartnær 11 árum. Hann var mikill náttúru unnandi og sérstaklega var honum annt um sveitina sína, vatnið og dýralífið þar.
Hann vann hjá Kísiliðjunni til margra ára, á dælupramma á Mývatni, þar sem oft var gaman að horfa á fuglana synda umhverfis prammann sem rótaði upp miklu æti við botndælinguna.

Það var því mikil kaldhæðni örlaganna að hann skyldi drukkna í Mývatni við þriðja mann í versta slysi sem gerst hefur við vatnið svo vitað sé, að 3 menn drukkni í einu slysi.
   Geiri var búinn að safna miklu magni af eggjum og einnig láta stoppa upp allmarga fugla og var búinn að fá smá skúr til að geyma þetta safn í. Þetta var um 1985.

   En þessum vetrardegi árið 1999 gleymir enginn sem átti hlut að máli, þarna um haustið hafði verið unnið við að leggja "sæsímastreng" yfir vatnið , besta leiðin því einungis þurfti að sökkva kaplinum niður á botninn og svo safnast leir ofan á hann og heldur honum á mjúku beði það sem eftir er.
   Dagurinn var kaldur eins og vetrardagar eru oft við vatnið en símamenn höfðu samt lagt niður töluverðan hluta kapalsins, við verkið höfðu þeir fengið aðstoð og aðstöðu við Helgavog, dælustöð Kísiliðjunnar.

   Þegar komið var í land síðdegis var farið að hvessa aðeins og veðurútlit dökkt.   Sáu menn þá að kapallinn flaut uppi á nokkrum kafla, nokkuð sem var slæmt ef hvassviðri yrði, hann myndi reka og jafnvel draga sig til frá þeim stað sem hann átti að vera á.
   Varð að ráði að 2 símamenn og Geiri færu á árabát með nokkuð af sandpokalóðum til að sökkva kaplinum. Nú var lítill tími til stefnu og farið að skyggja. Þremenningarnir lögðu af stað vestur yfir vatnið, báturinn var trébátur, með utanborðsmótor.

   Nú fór að dimma og hvessa allverulega og norðan slydduél æddi yfir vatnið, menn biðu átekta en fór að lengja eftir þeim þremenningunum, þetta hlyti að hafa verið erfitt verk í kuldanum og ölduganginum.

Þegar leið á kvöldið urðu menn verulega áhyggjufullir og varð úr að farið var á stóra dráttarbátnum frá Kísiliðjunni af stað að leita. Þessi bátur þolir vel allan öldugang Mývatns, en ristir þó dýpra en aðrir bátar. Þegar leitarmenn nálguðust svæðið fór báturinn að skrapa botn af og til að endaði á að hann strandaði og urðu leitarmenn að játa sig sigraða og kalla í land í talstöðinni að þeir væru úr leik. Er ekki að orðlengja hve vistin hefur verið þeim björgunarmönnum ömurleg, að geta ekki haldið áfram leitinni og sitja fastir í þessu veðri.

Voru menn nú orðnir verulega hræddir um afdrif þremenningana, það var orðið dimmt, rokhvasst og slydda og hrikalega kalt.   Björgunarsveitin var kölluð út með öllum tiltækum mannskap, allir bátar voru settir fram og leit hófst líka frá landi þeim megin sem veðrið bar að landi.
   Um morguninn varð mönnum svo að fullu ljós hinn hrikalegi og nístandi sannleikur, einn af öðrum fundust þremenningarnir í vatninu, látnir úr kulda, fljótandi í björgunarvestunum.

Í Mývatnssveit morguninn eftir voru menn lamaðir, hvílíkt slys og ekki var til að bæta ástandið að með morgninum lægði storminn svo hratt að um hádegið var vatnið nærri því slétt og kyrrt, enginn gat skilið hvað hafði gerst, enginn gat skilið af hverju vatnið tók þessa hraustu menn á augabragði en lagðist svo flatt nokkrum klukkutímum síðar.. menn gátu vart meðtekið þetta horfandi út á kyrlátt vatnið, sem um 12 tímum áður þeytti litlum báti til og frá og fyllti, svo þessir dugnaðarmenn hlutu kaldan og ömurlegan dauðdaga, aðeins nokkur hundruð metra frá landi.

En minning þeirra mun lifa, við munum aldrei gleyma þeim, á háum hól norðan við vatnið stendur minningarskjöldur á þrem súlum, nöfn þeirra eru þar grafin og frá þessum stað sést vel yfir Ytri flóa, vettvang þessara hrikalegu atburða þann 26 október árið 1999.

Ásamt Geira létust í slysinu þeir Jón Kjartansson frá Húsavík og Böðvar Björgvinsson frá Reykjavík, þeir voru báðir starfsmenn Símans.

En ættingjar, vinir og aðstandendur Geira ákváðu að halda nafni hans á lofti meðal annars með því að koma fuglasafni hans í varanlega aðstöðu, sem aðrir gætu komið og skoðað, því Geiri hafði mikið að gera við að sýna þeim fjölmörgu sem höfðu heyrt um þetta merkilega safn hans og vildu skoða. Ráðist var í byggingu safns sem gæti hýst allan þennan flota af fuglum og eggjum.

Þegar farið er á vef Fuglasafnsins er hægt að lesa um allt ferlið frá því árið 2000 þegar fyrstu umræður hófust um byggingu safnsins. Það er svo ótrúlegt að lesa hve margir hafa komið og unnið gríðarlega frá degi eitt og flestir án þess að taka krónu fyrir.
   Einnig hafa svo margir styrkt safnið með vinnu, peningagjöfum og efni til byggingarinnar að manni hreinlega vöknaði um augu, þetta er eitthvert það fallegasta sem ég hef lesið og þetta fólk heiðrar minningu Geira til framtíðar, so mikið er víst.

Hér eru nokkrar myndir úr hinu nýja og glæsilega Fuglasafni, sem var opnað þann
17 ágúst 2008.   hér er slóðin beint á safnið :   http://www.fuglasafn.nett.is

Enginn sem fer um Mývatnssveit ætti að láta hjá líða að koma í Fuglasafn Sigurgeirs, sjá þetta stórmerkilega safn sem svo margir hafa styrkt, með vinnu eða peningagjöfum, og svo er óendanlega fallegt þarna við Neslandavoga, umhverfið segir meira en miljón orð um það hve magnað er að hafa fengið að alast upp hér við vatnið, sem getur sýnt sínar bestu hliðar en því miður stundum þvert á móti, sagan heldur áfram, og við tökum með okkur minningar um dreng sem var engum líkur, en samt ósköp venjulegur sveitastrákur.

         stærsta eggið þarna innst er strútsegg.

    þessar grænu kúlur finnast aðeins í tveimur vötnum í heiminun, í Mývatni og í vatni í Japan. þetta er kallað kúluskítur og telja menn þetta
afar merkilegt og er haldin kúluskítshátíð þar niðurfrá árlega með miklum tilfæringum.

Út til eyja.

Thu, 27 May 2010 14:24:36 GMT

Eyjarnar á Mývatni eru í einkaeign og þær eru nýttar á margan hátt. Hrútar eru geymdir þar annað slagið, áður fyrr voru kindur hafðar þar allt sumarið og svo er fuglavarp allmikið í mörgum eyjum. Þessi hlunnindi hafa bændur nýtt sér gegnum tíðina.
En nú þarf að fara og laga til, gera hreiðurholur og lagfæra hreiðurstaði sem eru orðnir lélegir og endurnar hættar að nota, gott samstarf manns og fugla er lykilatriði.

þarna er ég búinn að safna mér nokkrum dekkjum, og sumir spyrja sig líklega
hvaða tengingu þau hafa við þessa ferð.. en það kemur í ljós:d

báturinn ferðbúinn, hlaðinn varningi..

kominn yfir flóann og í eina eyjuna, nokkur dekk komin á land og þá sjáið þið
bráðlega til hvers þau eru.

...........nei þau eiga ekki að liggja í hrúgu...

....... og svona er notagildið, dekkið veitir fuglinum skjól, en samt sést vel til allra átta
ef óvinir fljúga yfir eða fjórfættir fjéndur væru á ferð.

gæsin þarf ekkert dekk, hún gerir sér flott hreiður og á fáa óvini hér við vatnið.

annað dekk komið og búið að fóðra innan með mjúku grasi, alt tilbúið fyrir öndina.

Dunlop dekkið kemur nú að góðu gagni í mörg mörg ár.

gamall trékassi á hvolfi verður nú að höll fyrir einhverja heppna öndina, inngangurinn
sést fyrir miðjum kassa og opið snýr út að vatninu, til frekara öryggis.

sérðu Duggandar kolluna ?

þarna undir kletti í þessum skúta átti hún sitt hreiður.

þetta er Óðinshani, karl og kerla að svamla.

þarna á Hettumáfurinn sitt hreiður, frekar opið og gert úr ódýru efni.

            falleg eggin geyma nú unga inni, sem brátt brjóta sér leið út í heiminn.

Flórgoðinn eða Seföndin gerir fleti sitt við vatnsborðið, hún er því snögg að synda
í burtu ef hætta stafar af, hún er líka sérstök að því leiti að unginn situr á baki
hennar lengi framan af og skríður undir fjaðrirnar, þar er honum hlýtt.

hér hef ég tekið egg úr einu hreiðri og takið eftir, þau eru ekki öll eins, þarna
hefur önd verpt nokkrum eggjum og síðan hefur önnur tegund af önd tekið við og verpt.
Þetta gerist oft hjá öndum við vatnið og skemmtilegur ungahópur oft syndandi á
eftir "mömmu sinni" sem reynir að hafa nóg handa öllum ungunum.

þarna hvíla nokkur egg á skjólgóðum stað.

jæja þá er orðið tímabært að fara í land, en í leiðinn ætla ég að kíkja í netið.

   2 vænir silungar fengust, 2ja og 3ja punda, þessi feita er greinilega hrygna.

og þarna eru hrognapokarnir

   en flökin eru tilbúin , sérlega gómsætur matur, pönnusteikt, eða grilluð.

   og nokkrum eggjum stungið í pottinn, hvílíkt lostæti sem þetta er.
Egg og njóli, silungur, nýr, saltaður,reyktur eða steiktur, rúgbrauð bakað á
hverasvæðinu við Bjarnarflag, hér þarf ekki að fara oft í Kaupfélagið..:p

Fer Ferguson í gang eða?

Wed, 26 May 2010 14:10:07 GMT

Þegar ég kom norður um hvítasunnu, hafði ég með nýuppgerðan startarann í Ferguson dráttarvélina góðu, og þrátt fyrir ekki neina einmuna blíðu þá græjaði maður sig út á plan.

startarinn og rafgeymirinn kominn á staðinn, húddið dregið fram af og verkið byrjað.

svona til að teygja lopann, þetta er olíuverkið, sem stýrir innspýtingu á vélina.

frá olíuverkinu fer olían gegnum þessa spíssa inn í brunahólfið, ég er búinn að taka einn þeirra úr eins og sjá má. Ástæðan er að þá get ég hellt smurolíu inná vélina ti þess að losa upp stimplana, sem vísast eru rammfastir eftir 9 ára kyrrsetu...
Takið eftir sprungunni í heddinu, það er greinilega frostsprungið og þarf að laga það áður en vélin fer í mikla notkun.

þetta er rafallinn, eða dínamór eins og hann heitir.

og þarna er startarinn komin á sinn stað, og búið að tengja rafmagnskapalinn við hann.
Og svo fór eins og mig grunaði að vélin er pikkföst, hreyfist ei, þótt ég reyni að starta.
   Þá er ekki annað ráð að gera en að hella inn á vélina olíu til að losa hana upp.

til að fá fljótari virkni er gott að hita olíuna svo hún verði þunn og smjúgi vel niður
með stimplunum og losi upp stimpilhringina.

þetta er blanda af smurolíu og 2t utanborðsmótora olíu, falleg rauð blanda og slæður myndast í botninum þegar olían hitnar, sannarlega fallegt á eldavélinni..

olíunni hellt gegnum áðurnefnt göt og inná vél. Nú er eiginlega eki annað hægt
að gera en að bíða, klukkutíma, dag eða viku, þetta kemur í ljós.
---------------------

En á meðan var gamli Scout skoðaður.

hann er alltaf jafn rólegur og bíður eftir að fara í gang og fá sér snúning.

            flott týpa þessi.

     vandað mælaborðið skartar öllum helstu mælum sem þörf er á.

Innréttingin er í senn, látlaus en glæsileg, laus við allt prjál, en ekkert vantar samt !
stærsta gírstöngin er fyrir áfram og afturábak, miðstöngin er fyrir fjórhjóladrifið
og sú þriðja til að tengja framhjóladrifið.   afskaplega einfalt i notkun.:haha:
----------------------------------

Enn er ótalið að fjórhjólið fékk sinn startara nýuppgerðann líka, og startar nú
í fyrsta sinn frá því það kom hingað norður, því var ávallt fótstartað með sveif, kallað að kick starta, en þetta er miklu betra og þægilegra.

þessi hjól hafa öflugan 350 cc mótor, eins cylendra.
mótor og gírkassinn, sem er beinskiptur, eru vel varin fyrir vatni.

það lítið mál að aka þeim á kafi í vatni smástund, stórt loftinntak undir sæti passar
up á að vélin gangi í um 30 sec þótt hjólið sé undir sjávarmáli..:)

nokkrar gamlar myndir úr safni sjónvarpsins...

Wed, 31 Mar 2010 22:50:45 GMT

frá vinstri; Saab 9-5 turbo-Range Rover-Mazda 323F-Dodge Avenger-VW Scirocco

                Gnýr.

Elías

                              bbc

                                      bbb        og                       Siggi Jóels

        --------- fyrir....

-------------- eftir...

                    GAS   69

                   minnsta magn..

                                    góðir félagar.

                          veiðimaðurinn við Mývatn.

                          við Vestmannsvatn.

            svartfugls veiðiferð á Gný.

                rjúpan..

                       svartfugls veiðiferð.

        FRAM golfið.

                   Vogabæirnir.

                      tröllatæki

                                            gegnumbrot.

        alltaf hægt að fagna einhverju...

            fyrir..........

                    á meðan.......

............. eftir.

           back to the beer...

                   --------- fyrir...

--------------   á meðan...

----------------    eftir..

                 yes yes yes.
man ekki meira í bili...

Mývatn feb 2010.

Sun, 28 Mar 2010 19:51:14 GMT

............

Karen og Elias að skoða háhitasvæðið við Námaskarð.

   hér erum við stödd við Grjótagjá, en hún er aftur orðin nothæf til baða, því
árið 1975 þegar gaus við Kröflu, þá hitnaði gjáin úr 42 gráðum í tæpar 50 gráður..
En nú er gjáin loks 35 árum seinna orðin 43 gráður og því afar góð til baða.
Það er þónokkur straumur í gjánni svo sápan er fljót að skolast burtu, gjáin er því
ávallt tandurhrein.

         hér er opið niður í gjánna, þarna niðri er allgott að taka af sér föt og
Vogungar baða sig ætíð með bera bossana, annað er bannað !

     s´ð niður að vatnsborði, stóri steinninn, þessi flati heitir Bændahella.

núnú, búið að draga hjólin fram úr Bragganum og byrjað að spóla og spæna..